کابل کې د ایرنا خبري آژانس د خبریال په خبره؛ د افغانستان د سرپرست دولت د ملي دفاع وزارت سرپرست مولوي محمد یعقوب مجاهد نن پنشنبې د غبرګولي ۳ مه د قطر د بهرنیو چارو وزارت مرستیال محمد بن العزیز الخلیفه او ورسره پلاوي سره په خپل کاري دفتر کې لیدلي دي.
د ملي دفاع وزارت سرپرست په هېواد کې د وروستیو زلزلې او سېلاب ځپلو سره د قطر له مرستو مننه وکړه او د دواړو هېوادونو تر منځ یې د اړیکو پر ټینګښت ټینګار وکړ.
د قطر د بهرنیو چارو وزارت مرستیال له افغان ولس سره د دوستانه اړیکو د ټینګښت او په بېلابېلو برخو کې د لا زیاتو همکاریو ډاډ ورکړ.
د پیغام پای/
Your Comment